Les mots surlignés font l'objet d'une note
1Monsieur, jay receu la lettre quil vous a pleu mescripre du
2troysiesme du present, de laquelle je continuerey à vous
3remercier comme des precedentes. Jay veu aussi
4quant et icelle, les belles plainctes quil vous a pleu
5contre vous à la court, surquoy je vous direy,
7monsieur, quest vostre gloire destre blasmé et calompnié
8par telles personnes, nestant besoing de plus grande
9justiffication que de la droicture de voz actions qui
10les convaincra assez et le tesmoignage de tant
11d’aultres personnes et de tant de sortes que le
12contrère contreprisera tousiours plus que ne pourront
13faire leurs inventions malicieuses. Je desire[rey], monsieur,
14de scavoir ce quil leur aura esté respondu,
15masseurant bien que nonobstant les supportz quilz
16peuvent avoir pour le jourdhuy là (telz que vous
17pouvez penser), quilz nobtiendront ce quilz cherchent,
18estantz leurs magestés par trop faictes et bien
19nstruictes de telles menées et bien informées
20aussi de voz bonnes et justes actions. Je voudrois bien
21aussi scavoir si ceulx qui aultresfois se sont
22voulluz aider de monsieur de St Romain, se seront
23point voulluz encor aider à ce coup de ceste occasion,
24masseurant bien quilz y perdront leur escrime ; et
25en attendant ce quil vous plairra men despartir
26comme à celluy qui espousera toute sa vie tout
27ce qui vous concernera et aux vostres comme le
28[v°] le mien propre, je vous baiserey très humblement les
29mains et de madame de Gordes et prierey
30Dieu qui vous veuilhe donner
31Monsieur en très bonne santé, longue et heureuse
32vie. D’Ambrun, ce XIIIe daoust 1572
33Vostre très humble allié et serviteur
34G d’Avanson, arch. D’Ambrun
35Il y a monsieur beaucoup d’archiers et des
36gentz darmes qui sont de la compaignie de
37monsieur de Nemours qui sont de ces quartiers,
38lesquelz se tiennent en peyne parce que
39au despartement qui a esté mandé par
40sa magesté, il ne sy treuve le lieu où ilz
41se doibvent rendre, et nest faicte mention
42de ladicte compaignie, non plus que de plusieurs
43aultres. Si vous en scavez quelque chose et
44quil vous plaict men donner advis, vous les
45obligerez tous à vous faire service. Quand monsieur
46du Monnestier fust icy, il ne men parla point.
47Je pense, monsieur, quil sera allé recepvoir voz
48commandements avant que partir
49